Այցելություն «Տիեռաս դե Արմենիա» ընկերության այգիներ և գինու գործարան

Ս․թ․ ապրիլի 13 HEKS-EPER կազմակերպության կողմից ֆինանսավորվող HMDP ծրագրի շրջանակներում երկու շահառու շրջանների ֆերմերների համար կազմակերպվել էր ճանաչողական այցել «Տիեռաս դե Արմենիա» ընկերության գինու գործարան («Կարաս» գինիներ) և խաղողի ու պտղատու այգիներ։ Ընկերության աշխատակիցները ներկայացրեցին գինու գործարանի հիմնական արտադրամասերը ինչպես նաև ժամանակակից տեխնոլոգիաներով հագեցած խաղողի այգիներն ու պտղատու այգիները իրենց ժամանակակից ենթակառուցվածքներով՝ կաթիլային ոռոգման համակարգը, հակակարկտային ցանցերը և այլն։ Այցելուները այգեգործության վերաբերյալ իրենց հետաքրքրող հարցեր տվեցին ընկերության կառավարիչներին։ Այս ճանաչողական այցին ներկա էին 24 ֆերմերներ Գեղարքունիքի և Վայոց Ձորի մարզերից։