Շեն կազմակերպության 30-ամյա հոբելյանը

Մայիսի 12-ին կամերային երաժշտության ազգային կենտրոնում տեղի ունեցավ Շեն կազմակերպության 30-ամյա հոբելյանին նվիրված հանդիսավոր միջոցառում: Ներկայացվեցին 30-ամյա գործունեության արդյունքները, ինչպես նաև մոտ ապագայում կազմակերպության առջև ծառացած  մարտահրավերները: Շեն կազմակերպության անդամներից բացի նաև մասնակցում էին գործընկեր հասարակական կազմակերպությունների ներկայացուցիչներ: Երկարամյա համագործակցության մասին իրենց ջերմ խոսքերն ասացին Շեն Ֆրանս կազմակերպության և Յալկեզեան հիմնադրամի (Կանադա) պատվիրակությունների անդամները: Այս միջոցառմանը ներկա էին 225 հրավիրյալներ: