Ակնոցներ Հայաստանի համար

Ս․թ․ օգոստոսի 11-21-ը Ֆրանսիայի հայ բժիշկների միության 9-ը մասնագետներից բաղկացած թիմը ժամանեց Սպիտակ։ Հետազոտվեցին համայնքային բուժքույրերի կողմից նախապես ախտորոշված  Սպիտակ քաղաքի և շրջակա 20 գյուղերի 504 երեխաներ։ Երեխաների մոտ հիմնականում ախտորոշվեց աստիգմատիզմ, շլություն, ամբլիոպիա։ Հետազոտումից հետո 326 երեխաների համար պատրաստվեցին համապատասխան օպտիկական ակնոցներ։ Միաժամանակ նշված համայնքների 1500 տարեցների անվճար տրամադրեցին կարդալու համար նախատեսված ակնոցներ։