Գործնական դասընթաց/սեմինար Գեղամասարի ջերմատանը
Հոկտեմբերի 23-ին Գեղարքունիքի մարզի Գեղամասար համայնքի ջերմատանը «Համապարփակ աջակցություն Հայաստանի գյուղական լեռնային շրջանների կայուն տնտեսական զարգացմանը» ծրագրի շրջանակներում Գեղամասար, Արեգունի և Փամբակ համայնքների կոոպերատիվների անդամների և հետաքրքրված այլ ֆերմերների համար կազմակերպվեց գործնական դասընթաց «Բույսերի հիվանդությունների և վնասատուների դեմ պայքարի աշխատանքների կազմակերպում ջերմատան պայմաններում» թեմայով:
Շենի գյուղատնտես-փորձագետը ներկայացրեց բույսերի պաշտպանության միջոցներ արտադրող եվրոպական առաջատար ընկերությունների մի քանի պատրաստուկներ և կաթիլային ոռոգման միջոցով տրվող պարարտանյութեր, որոնց փորձնական նմուշները տրամադրվեցին կոոպերատիվներին: Այնուհետև դասընթացի ընթացքում կոոպերատիվներին տրամադրված մարտկոցային ցողիչներով կատարվեց լոլիկի և վարունգի առաջին կանխարգելիչ ցողումը: Դասընթացի վերջում մասնակիցներին ներկայացվեց նաև ամսաբողկի ցանքի առանձնահատկությունները և տրամադրվեց սերմեր: Դասընթացին մասնակցեցին կոոպերատիվների 12 անդամներ:
