Ձիթհանքով համայնքի 7 հա ոսպի ցանքսերի մոնիթորինգային այց

2020թ. հունիսի 11-ին տեղի ունեցավ մոնիթորինգային այց UMCOR կազմակերպության կողմից ֆինանսավորվող «Աջակցություն Ձիթհանքով գյուղի զարգացմանը» ծրագրի շրջանակում: Այցի նպատակն էր մայիսի 1-8-ը համայնքի 7 ֆերմերի մոտ 1-ական հա ցանված ոսպի ցանքսերի դիտարկումը:  Բոլոր 7 ֆերմերների ցանքսերը գտնվում էին գերազանց վիճակում: Հեկտարի վրա բույսերի խտությունը լիարժեք էր և համապատասխան՝ աճման տվյալ փուլին: Ծաղկած բույսեր դեռ չկան: Դաշտերը մոլախոտերից մաքուր են՝ շնորհիվ ծրագրի կողմից տրամադրված նախածլային հերբիցիդի: Միակ խնդիրը տեղումների երկարատև բացակայությունն է, որը կարող է ազդել ակնկալվող բերքի վրա: