Ուսուցողական գյուղատնտեսական սեմինար Եղեգնաձորում
2017թ․ մայիսի 23-ին «Պտղաբուծության զարգացումը Վարդենիսի և Վայոց Ձորի 18 համայնքներում» ծրագրի շրջանակներում Եղեգնաձորում տեղի ունեցավ տեսական և գործնական դասընթաց տարածաշրջանի առաջատար 21 ֆերմերների մասնակցությամբ: Սեմինարը իրականացվեց գործընկեր «Սյունիք զարգացում» ՀԿ-ի հետ համատեղ: Ըստ դասընթացի օրակարգի ներկայացվեցին պտղատու այգիների հիվանդությունների և վնասատուների դեմ պայքարի առաջին միջոցառումները՝ սինթետիկ և օրգանական եղանակներով: Սեմինարի ժամանակ ցուցադրվեց նաև տեսահոլովակ պտղատու այգիների գարնանային խնամքի և մշակության առաջնահերթ միջոցառումների, ցածրաճ այգիների էտի առանձնահատկությունների մասին: Ներկայացվեցին բույսերի պաշտպանության օրգանական և քիմիական նոր միջոցներ, որից հետո բոլոր մասնակիցները ստացան ներկայացված բուժանյութերի փորձնական քանակություններ:
