Բանջարեղենի տեղական արժեքավոր սորտերի ներկայացում

Փետրվարի 23-ին Գեղարքունիքի մարզի Արեգունի համայնքում տեղի ունեցավ Արեգունի, Փամբակ և Գեղամասար համայնքների կոոպերատիվների անդամների և հետաքրքրված ֆերմերների համար դասընթաց «Բանջարեղենի տեղական արժեքավոր սորտերի հետ ծանոթացում» թեմայով։ Շենի գյուղատնտես-փորձագետը ներկայացրեց Դարակերտի բանջար-բոստանային և տեխնիկական մշակաբույսերի գիտական կենտրոնում ստացված տեղական բարձրարժեք պոմիդորի, վարունգի, պղպեղի, լոբու, սմբուկի, հազարի, կոլրաբիի և բրոկոլի սորտերը։ Դասընթացին մասնակցեցին 18 ֆերմերներ, որոնք վերջում ստացան դասընթացի վերաբերյալ տեղեկատվական ձեռնարկ։