«Ռեսուսրների արդյունավետ օգտագործում և ռիսկերի գնահատում» պրակտիկ դասընթաց/ սեմինար
Հուլիսի 17-ին և 25-ին «Պտղաբուծության շուկայի զարգացում Գեղարքունիքի և Վայոց Ձորի մարզերում» ծրագրի շրջանակներում Գեղարքունիքի և Վայոց Ձորի մարզերում գործող մարքեթինգային խմբերի համար անցկացվեց գործնական դասընթաց՝ «Ռեսուսրների արդյունավետ օգտագործում և ռիսկերի գնահատում» վերնագրով: Դասընթացներին Վարդենիսից մասնակցեց 18, իսկ Եղեգնաձորից 16 մասնակից: Դասընթացների ընթացքում մասնակիցներին ներկայացվեցին թե որոնք են ռեսուրսները և ինչ ձևով է հնարավոր ունեցած ռեսուրսը արդյունավետ օգտագործել և դա ինչպես կարող է ազդել իրենց բիզնեսի զարգացմանը, իսկ ուսուցման երկրորդ մասում մասնակիցներին ներկայացվեց, որոնք են ագրոբիզնեսով զբաղվողների հիմանական ռիսկերը, որոնք են դրանց աղբյուրները, ինչպիսի ռիսկեր գոյություն ունեն և ինչպես կարելի է կառավարել այդ ռիսկերը: Մասնակիցները ունեցան բազմաթիվ հարցեր, որոնց տրվեց սպառիչ և բովանդակալից պատասխաններ:
