![Bazum](/sites/default/files/styles/794x265/public/2024-05/News_Bazum_Cover%20Photo_0.png?itok=i4JhLILf)
Բազումի ոռոգման համակարգի վերանորոգում
![Bazum](/sites/default/files/styles/news_thumb_320x240/public/2024-05/Bazum%20%281%29_0.png?itok=khyItgfZ)
Ավարտվեց Լոռու մարզի Փամբակ խոշորացված համայնքի Բազում բնակավայրի ոռոգման ջրագծի վերանորոգման ծրագիրը, որն իրականացվեց ԱՄՆ Հայոց Արևմտյան թեմի միջնորդությամբ պարոն Վարդան Ջերեանի կատարած առատաձեռն հանգանակության շնորհիվ։
![Bazum](/sites/default/files/styles/news_thumb_320x240/public/2024-05/Bazum%20%2811%29.png?itok=wtc7CQDS)
Բազումում դեռևս ԽՍՀՄ ժամանակներից առկա էր 2 ջրամբար յուրաքանչյուրը 400 տոննա ջրի տարողությամբ: Այն նախկինում նախատեսված էր եղել խմելու ջրի համար, սակայն երբեք այդ նպատակով չէր օգտագործվել։ Այժմ ջրամբարները գտնվում էին անմխիթար վիճակում։
![Bazum](/sites/default/files/styles/news_thumb_320x240/public/2024-05/Bazum.png?itok=mc87RBrd)
Ջրամբարներից մեկն ընդհանրապես չէր գործում, իսկ մյուսը՝ վթարված լինելու պատճառով օգտագործվում էր մասնակի, որի հետևանքով հնարավորություն չկար ջուրը ամբարելու և հնարավոր չէր իրականացնել ջրի ռեսուրսի արդյունավետ կառավարում։ 1800 բնակիչ ունեցող գյուղի ցանքատարածությունների մեծ մասը մնում էր անջրդի։ Մոտ 100 հա մշակվող տնամերձերից և վարելահողերից նախկինում ոռոգվում էր մոտ 10%-ը։
![Bazum](/sites/default/files/styles/news_thumb_320x240/public/2024-05/Bazum_1.png?itok=NNkHn5lL)
Այս ծրագրով ջրամբարների վերանորոգումից բացի նախատեսվում էր կառուցել մոտ 1200 մետր նոր խողովակաշար, որպեսզի ոռոգվեն անջրդի վարելահողերի մոտ 40 հեկտարը։ Խողովակի վերանորոգումը հնարավորություն է տալիս ավելացնել ոռոգվող գյուղատնտեսական և տնամերձ հողատարածքները՝ հասցնելով մոտ 65-70%-ի, և կվերացնի ջրային մեծ կորուստները։
![Bazum](/sites/default/files/styles/news_thumb_320x240/public/2024-05/Bazum%20%282%29_0.png?itok=FdHGKb-y)
Խողովակաշարի վերանորոգման ծրագիրը կազմեց 9.004.000 ՀՀ դրամ։ Համայքը կատարեց մինչև 30% ներդրում։ Միևնույն ժամանակ բնակավայրի բնակիչները անհատույց մասնակցեցին վերանորոգման աշխատանքներին։
Ջրամբարների վերանորոգումը և նոր խողովակաշարի կառուցումը հնարավորություն կտա արդյունավետ կառավարել ջրի պաշարները, ավելացնել կանաչ գոտիները, ցանքատարածությունը, նպաստել անասնաբուծության զարգացմանը՝ խմոցների առկայության միջոցով։