Ծրագրի նպատակն է առաջնահերթություն տալ և աջակցել Լեռնային Ղարաբաղից ՀՀ տեղահանված խոցելի անհատներին և ընտանիքներին՝ ապահովելով նրանց եզակի կարիքների բավարարումը և նրանց բարեկեցության, ճկունության, վերականգնման և սոցիալական, տնտեսական և քաղաքական ոլորտներում ներառման համար անհրաժեշտ աջակցությունը:

Ծրագիրն ընդգրկում է ողջ Հայաստանը՝ հաշվի առնելով փախստականների/բռնի տեղահանվածների բաշխումը ողջ երկրում: Ծրագրի գործունեության թիրախում կլինեն 11 մարզեր, ներառյալ մայրաքաղաք Երևանը:

Փամբակ համայնքի Բազում բնակավայրում դեռևս ԽՍՀՄ ժամանակներից առկա է 2 ջրամբար յուրաքանչյուրը 400 տոննա ջրի տարողությամբ: Այն նախկինում նախատեսված է եղել խմելու ջրի համար, սակայն երբեք այդ նպատակով չի օգտագործվել, իսկ հիմա ջրամբարները գտնվում են անմխիթար վիճակում։ 

Շիրակի մարզի Հովիտ բնակավայրի միջնակարգ դպրոցը հիմնադրվել է 1936 թվականին: Այն երկար տարիներ ծառայել է համայնքին որպես միակ մշակութային, մարզական և կրթական հաստատությունը, որտեղ կրթվել են բազմաթիվ սերունդներ: 1988 թ․-ի ավերիչ երկրաշարժից հետո դպրոցը երկար տարիներ կիսաքանդ է եղել։ Այն կրկին շահագործման է հանձնվել 1997 թվականի վերակառուցումից հետո։

«Շեն» բարեգործական հասարակական կազմակերպության «Գյուղատնտեսական կոոպերատիվների հիմնումը և հզորացումը բարելավված օրենսդրության և ժամանակակից տեխնոլոգաների կիրառությամբ» եռամյա ծրագրի նպատակներն են․ 

1. Ծրագրի շահառու 25 գյուղերի փոքր ֆերմերների համար ագրոէկոլոգիական հիմունքներով մրգերի, բանջարեղենի և հացահատիկի մշակումը դարձնել ավելի շահավետ,
2. Աջակցել կոոպերատիվներին գյուղատնտեսական ոլորտում նորարարական մոտեցումներ կիրառելու հարցում,
3. Աջակցել գյուղերին/կոոպերատիվներին անմշակ հողերի մշակմամբ զբաղվելու և եկամուտներ ստանալու հարցում: