Ծրագրի հիմնական նպատակն է Սիսիան համայնքի Բալաք գյուղում օգտագործել բնական կերային տարածքների վերականգնման արդյունավետ մեթոդները և նվազեցնել ճնշումը արոտավայրերի վրա անասնակերի արտադրության համար՝ չօգտագործվող վարելահողերի մշակմամբ: Սա թույլ կտա կայուն ձևով կազմակերպել անասնակերերի համար տեղական բարձրարժեք սերմերի արտադրությունը, պահպանել ագրոկենսաբազմազանությունը, ապահովել կլիմայի հետ հարմարվողականությունը և ստեղծել կայուն եկամուտներ ֆերմերների համար:

Գեղարքունիքի մարզի Գեղամաբակ սահմանմերձ համայնքում սկսվել են ջրամբարի և գյուղ մատակարարվող խմելու ջրի համակարգի վերանորոգման աշխատանքները։

Յալկեզեան հիմնադրամը կաջակցի ամբողջ շինանյութի ձեռքբերման հարցում, իսկ համայնքը կկատարի շինարարական աշխատանքները՝ որպես կամավորական ներդրում։

Լեռնավան գյուղի ոռոգումը հիմնականում կատարվում է հողային ջրատարներով, ինչի պատճառով ջրի մեծ մասը կորչում է։ Յալկեզեան հիմնադրամն այստեղ ջրագծի կառուցման ծրագիր է իրականացրել 2017-2018թթ.։

Այժմ հիմնադրամն աջակցում է համայնքին կառավարության կողմից հաստատված ոռոգման ցանցի կառուցման և վերանորոգման սուբսիդավորման ծրագրի իրականացման գործում: Այս ծրագրի իրականացմամբ ավարտին կհասցվի Լեռնավանի ոռոգման համակարգի շինարարությունը՝ ևս 60 հա հողատարածք ոռոգմամբ ապահովելով։

Սառնաղբյուրը գյուղը գտնվում է Հայաստանի Շիրակի մարզում։ Գյուղի մանկապարտեզը, ուր հաճախում են մինչև 6 տարեկան երեխաները, տարածաշրջանի լավագույններից է։ Այն երկար տարիներ շարունակական ու անխափան աշխատել է։ Մանկապարտեզ կարող է հաճախել առավելագույնը 120 երեխա, սակայն այժմ հաճախող երեխաների թիվը 77-ն է։

Այրումի 14 և հարևան Լճկաձոր գյուղից 7 երեխա զրկված է մանկապարտեզ հաճախելու հնարավորությունից, քանի որ Այրումի մանկապարտեզի շենքի նորոգված հատվածը բավարար չէ նոր երեխաներ ընդունելու համար։

Սա Հայաստանում իրականացվող առաջին ագրոանտառաբուծական ծրագիրն է։ Ծրագրի հիմնական շահառուներն են Շենավանի 513 բնակիչները։ Բացի այդ, ծրագրից անուղղակիորեն կշահեն Լոռու մարզի 212,600 բնակիչները, որոնցից 125,400-ը բնակվում են քաղաքներում, իսկ 87,200-ը՝ գյուղական բնակավայրերում:

Լոր գյուղը գտնվում է Սյունիքի մարզի Սիսիան համայնքում։ Համայնքի փաստացի բնակչության թիվը 360 է, իսկ որպես բնակիչ հաշվառված է 420 մարդ։

Լորի մշակույթի տանը տեղակայված են բուժկետը, գրադարանը, միջոցառումների սրահը, անասնաբուժական կայանը և հանդիսույթունների սրահը։ Մշակույթի տունը կապիտալ վերանորոգման կարիք ունի։ Այն երկհարկանի շինություն է, յուրաքանչյուր հարկի մակերեսը՝ 200 քմ։ Շենքի տանիքը լրիվ փոխարինման կարիք ունի։

Դովեղը գտնվում է Տավուշի մարզի հյուսիս-արևելքում։ Մտնում է Նոյեմբերյան խոշորացված համայնքի կազմի մեջ։ Տնային տնտեսությունների ընդհանուր թիվը 150 է։ Դովեղն ունի 690 բնակչություն, սակայն փաստացի բնակչությունը 530 է։

Գյուղն ունի համայնքային կենտրոն, որտեղ տեղակայված են ավագանու գրասենյակը, համայնքի գրադարանը, բուժկետը և արվեստի դպրոցը։ Այս շենքը վերանորոգման և կահավորման խիստ կարիք ունի։ Համայնքը պատրաստ է համաֆինանսավորել ծրագիրը։

Սառնաղբյուրի ըմբշամարտի մարզադպրոցը բավականին հայտնի է մարզում։ Դպրոց է հաճախում 50 աշակերտ ոչ միայն Սառնաղբյուրից, այլև հարակից գյուղերից։ Ըմբշամարտի մարզադպրոցի սաներն աչքի են ընկնում մրցումներին մասնակցության բարձր ակտիվությամբ, նկատելի հաջողություններով։ Դասընթացներն անցկացվում են գյուղի համայնքային կենտրոնում, որը համապատասխան սարքավորումներով ապահովված չէ:

Յալկեզեան հիմնադրամի առատաձեռն աջակցությամբ 2022 թվականին մենք մեկնարկեցինք սպորտային սարքավորումների ձեռքբերման նախագիծ։